Bernardo Atxaga. Premio Nacional de las Letras 2019.

                                Joan Margarit. Premio Cervantes 2019

...

...aquí deixo o meu coñecimento
cifrado en letras cegas
que o tempo ha destruír
ou tal vez un recendo se demore
neste espazo que entinto neste rastro de beizo e salgadura

Livro das devoracións. Pilar Pallarés.

Premio Nacional de Poesía 2019.

Xa hai gañadora! 4ºA. NORABOA!!

                 

                     

                      As arrepiantes coroas de difuntos decoran a                                          entrada do IES de Pastoriza.

O magosto é a festa por excelencia da castaña e celébrase entre o 1 de novembro e o 11 dese mesmo mes (entre todos os Santos e San Martiño)

Como o seu nome indica, arrinca magostando (recollendo) castañas nas leiras e nos montes e preparando as pequenas fogueiras onde se van a asar as castañas.

Por esas datas, fanse os zonchos.

Zonchos é o nome que reciben tradicionalmente en Galicia os colares realizados con castañas cocidas que os nenos fan e comen durante a festa do "magosto".

A BIBLIOTECA CONVOCA UN CONCURSO DE ZONCHOS

Bótalle imaxinación e fai a túa versión do colar tradicional.

Todos os colares deben estar feitos con castañas cocidas

Podes engadir os elementos que queiras: follas, doas de cores, pinturas, filigranas de metal, teas ou papel de cores...tí pos o límite!

Valorarase o colar que teña maior proporción de castañas e o máis orixinal.

Entregaranse na Biblioteca nos recreos entre o 1 e o 11 de Novembro.

Haberá grandes premios!

A BIBLIOTECA CONVOCA UN CONCURSO DE

COROAS DE DEFUNTOS

BASES

 Presentarase unha coroa por clase

O tempo para a preparación da actividade, pode ser nas Titorías, nos recreos na Biblioteca, ou en calquera outro momento no que o profesorado o autorice.

Os materiais podemos ofrecelos dende Plástica, a Biblioteca ou pode aportalo o alumnado.

As coroas poden ter o tamaño e a forma que se considere e poden estar feitas de calquera material preferentemente reciclado.

Se entregarán na Biblioteca durante os recreos con data límite o MARTES 5 DE NOVEMBRO e serán expostas na planta baixa do Instituto.

O xurado, composto por profesorado e alumnado reunirase o día 6 de novembro no primeiro recreo.

Valorará a creatividade, a orixinalidade, a dificultade de realización e os materiais empregados.

Como en anos anteriores o premio consistirá en diploma acreditativo e un convite a unha chocolatada.

                  FORMACIÓN DE USUARIOS PARA O                                                 ALUMNADO DE PRIMEIRO

   Esta semana estamos levando a cabo unhas sesións formativas para dar a            coñecer a nosa Biblioteca ao alumnado de nova incorporación.

 Noraboa a todxs os participantes pola vosa acollida. Sería estupendo tervos moito por aquí.

                               

O Equipo de Dinamización e Normalización Lingüística convoca o concurso literario

OUTONO DE NOSO

BASES:

1. Participantes: toda a comunidade educativa, fundamentalmente o alumnado.

2. Obxectivos:

-Valorar as tradicións cun achegamento ás crenzas e xeito de vida dos nosos devanceiros.

-Desenvolver o gusto pola escrita creativa.

-Fomentar a imaxinación.

3. Temática: os temas serán os referidos á estación en que nos atopamos, o outono. Poden escoller as colleitas (a vendima, a castaña...) e, como axiña vén o mes de novembro, tradicións galegas: o Samaín, o Día de Defuntos e crenzas arredor da morte, gastronomía da época...

4. Presentación: as persoas participantes presentarán os traballos por escrito, ben sexa á man ou mecanografados, sempre con letra lexible.

Pódense presentar textos en prosa e verso, incluídos refráns e lendas.

As participacións recibiranse ata o 30 de outubro e haberá que entregalas na aula á profesora de galego ou nos recreos na biblioteca.

5. Resolución: na semana seguinte constitúese o xurado e entregaránselles diplomas e premios aos relatos ou poemas seleccionados.

6. Premios: establécense tres categorías.

Primeiro premio: valorado en 50 €

Segundo premio: valorado en 30 €

Terceiro premio: valorado en 20 €

Coa colaboración da Biblioteca do IESPAS

NOVIDADES DE OUTONO

O Outono ven cargado de novidades á nosa Biblioteca.

Visítanos para coñecelas.

ESTE VERÁN, PÁSAO MOI BEN

 E NON TE ESQUEZAS DE LER

Consulta as suxestións da Biblioteca premendo aquí

VII Concurso de poesía escolar Rosalía de Castro

Parabéns Sara Silva dos Santos!!!!

O día 3 de xuño a Fundación Rosalía de Castro deu a coñecer as premiadas e premiados no VII Concurso de Poesía Escolar Rosalía de Castro para o alumnado de Secundaria e Bacharelato, entre os que se atopaba a nosa alumna de 1º B Sara Silva Dos Santos, que obtivo o primeiro accésit na categoría de primeiro ciclo de ESO.

Os premios foron entregados o día 7 de xuño no auditorio da Casa-Museo de Rosalía en Padrón, a onde a alumna asistiu a recoller o premio e foi acompañada pola xefa do Departamento de Lingua e literatura galega do IES de Pastoria, Margarita Fernández Ledo e pola súa profesora de lingua galega, Carmen Pardo Arriví .

No acto de entrega de premios leu o seu poema “Luz/escuridade, baleiro/luz”.

Parabéns, Sara !

I-LUZ / ESCURIDADE

No medio das tebras vin unha luz

que conseguiu cegarme,

esa luz sempre me acompaña

alá onde vaia.

Grazas a ela …

síntome protexida e forte,

porque é luz,

é espada,

é escudo ,

afasta de min a escuridade

e non deixo que me alcance,

non deixarei que iso aconteza,

antes tería que pisarme,

camiñar sobre min.

Mais pouco a pouco a escuridade chega,

consómeme,

rodéame dun mal que me acompaña.

Non puiden aturar máis

e aínda que a intentaba afastar,

non conseguín nada,

só ficar rendida,

deixar que me venza.

Pouco a pouco, paseniñamente,

pecho os ollos ,

ata que chego a un punto en que por fin durmo…

II-BALEIRO/LUZ

Sinto un baleiro no meu interior ,

onde me vai o corazón ?

Non escoito os seus latexos.

Racharon o meu corazón,

con crueldade, con rabia.

Sinto que me arrancaron

algo que me fai moita falta ,

non sei que facer neste abandono.

Visualizo o horizonte,

non queda nada,

desexaría estar perdida naquela illa.

Non podo moverme, estou paralizada,

sinto o meu corazón baleiro,

non sei o que é amar .

Mais a luz sempre regresa de novo ,

ilumina o meu corazón,

doulle as grazas .

Agora podo vivir amablemente,

regalar un sorriso.

Preto desa luz síntome segura e protexida,

dáme calor e esperanza

e sigo adiante,

érgome ,

deixo que agrome en min a alegría

e percorro o camiño ...

Sara Silva dos Santos

1º B ESO

O valo de Carlos Labraña

Marwan, un meniño de apenas catro anos, cruzou coa súa familia o deserto, fuxindo da guerra de Siria.
O alumnado de 1º de ESO asistiu á representación d´O Valo no auditorio de Meicende, unha obra que nos fai refexionar sobre as guerras, o drama dos refuxiados e os valos, muros e fronteiras que dividen o mundo.
Nese día puidemos asistir á representación teatral, levada a cabo polo propio autor da peza -Carlos Labraña- que deu corpo e voz ao espírito do deserto e Pablo Núñez Otero no papel de soldadiño.
Despois da representación teatral, o alumnado do IES de Pastoriza puido dialogar co autor e comentar tanto cuestións relacionadas coa creación da peza teatral, como aspectos referidos á súa posta en escena.
Con esta obra teatral Carlos Labraña gañou o IX Premio de Literatura Dramática Infantil 2016.

Se queres ver máis fotos preme aquí.