BIBLIOTECA do IES de PASTORIZA

mércores, 24 de abril de 2019

VISITA AO PARLAMENTO E Á XUNTA DE GALICIA

Alumnado de 2º de ESO

Se queres ver máis fotos preme aquí

martes, 23 de abril de 2019

23 de abril 2019

feliz

día do libro

Resultado de imagen de dia del libro imagenes

martes, 9 de abril de 2019

V TORNEO DE XADREZ IES DE PASTORIZA

Do 9 ao 12 de abril na Biblioteca

Gañadores:

1º premio: Artai Duarte Prieto

2º premio: Pedro Villanueva Ternande

3º premio: Óscar Pillado Villaverde

Parabéns para os gañadores e para tod@s os participantes. Moitas grazas a Óscar de Prado por arbitrar o torneo.

preme aquí para ver máis fotos

venres, 8 de marzo de 2019

8 de MARZO
DÍA DA MULLER TRABALLADORA

Pasa pola Biblioteca e mira a nosa selección de libros

martes, 19 de febreiro de 2019

SEMANA DE ROSALÍA DE CASTRO

DO 19 AO 24 DE FEBREIRO

Esta semana Radio Furoca ten unha programación especial sobre a poesía de Rosalía de Castro.

Grazas a todas e a todos pola vosa participación nesta efeméride.

martes, 29 de xaneiro de 2019

DEBORAH GARCÍA BELLO

O xoves 24 de xaneiro veu dar unha charla ao noso instituto ao alumnado de 4º de ESO a divulgadora científica Deborah García Bello. A actividade estivo organizada pola Bibioteca e os Dptos. de EF e CCNN.

A conferencia resultou un éxito e Deborah foi didáctica, próxima e amena.

Quedounos claro que unha mentira, por moitas veces que se repita, non chega nunca a ser unha verdade; e isto sucede tamén en alimentación e nutrición. Cantas veces escoitamos dicir: "bebe o zume axiña, que se lle van as vitaminas!!!", cando en realidade as vitaminas non se poden volatilizar. E este é o último título de Deborah ¡Que se le van las vitaminas! Mitos y secretos que solo la ciencia puede resolver.

Disto e doutras cousas máis falounos na súa charla e na entrevista que lle concedeu á Radio Furoca.

Se queres ver máis fotos preme na ligazón

xoves, 20 de decembro de 2018

FELIZ NADAL E FELIZ 2019

CHEO DE GRATAS LECTURAS

mércores, 7 de novembro de 2018

SAMAÍN 2018

Composición gañadora. 3º B

Este ano celebramos o Samaín facendo un concurso de lápidas en colaboración co Departamento de Plástica. A participación foi masiva e os resultados estupendos.
O xurado non o tivo doado!!!! Finalmente gañou 3º B.
Grazas e parabéns para todos.

Deixamos un enlace de fotos.

mércores, 10 de outubro de 2018

Un ano máis dámosvos a benvida á bibioteca do IES de Pastoriza.

Vén mirar as nosas novidades

O equipo da biblioteca:

Este curso 2018-19 está formado polas seguintes profesoras:

Manoli Acuyo
Montse Collazo
Cruz Gabiola
Gloria del Pino López

O horario da biblioteca:

A biblioteca estará aberta durante todos os recreos, agás os días de reunión do Club de lectura que será de uso só para os participantes desta actividade.

Novos usuarios:

Xa están incorporados como novos lectores o novo profesorado e o alumnado que se incorporou este curso ao centro por primeira vez. O resto do profesorado e alumnado mantén o mesmo nº de lector que o curso pasado; non obstante, están colgadas no taboleiro de enfronte da biblioteca as listaxes de alumn@s por curso e grupo co correspondente nº de usuario. Así tamén temos unha copia na carpeta da mesa do profesor da biblioteca.

Club de lectura "A nora dos libros":

A coordinadora desta actividade é Gloria del Pino López.

Este ano temos dous agrupamentos diferentes segundo o nivel dos lectores; un para os cursos 1º e 2º que comezarán coa lectura de El principito , unha novela de Antoine Saint-Exupéry e outro para 3º e 4º que lerán no primeiro trimestre El señor de las moscas de William Golding.

Préstamos:

Coma sempre os libros -tanto en papel como en ebook- préstanse 15 días e pódese renovar o préstamo por 15 máis, sempre e cando o libro non sexa de lectura obrigatoria para a clase, porque de ser así non se podería renovar.

As películas están clasificadas segundo a idade recomendada e só se prestan durante a fin de semana e terase en conta a idade do alumno que a solicita.

Tablets e ordenadores:

Os usuarios da biblioteca poden utilizar as tablet e ordenadores durante os recreos para consulta en sala (este material non se presta). Ten prioridade o alumnado que o demande para a realización de algún traballo respecto a aqueles que só o usen para lecer.

Catálogo da biblioteca:

O catálogo da biblioteca está na rede e pode ser consultado dende calquera dispositivo.

Actividades da biblioteca:

Como todos os anos, promoveremos actividades das que seredes puntualmente informados. Esperamos a vosa participación, así como tamén que nos fagades partícipes das vosas preferencias e intereses.

O recuncho das linguas:

Este curso, igual que os anteriores, contamos cun faladoiro de inglés que estará dinamizado pola axudante de conversa Elizabeth Lee e desenvolverase os luns ás 10.20 no 1º recreo na zona de sofás, polo que este lugar queda reservado para este uso durante eses períodos.

O escritor do mes:

Este curso temos unha nova sección chamada O escritor do mes que terá presenza no taboleiro da biblioteca e tamén contará cunha sección en Radio Furoca.

Mesa de novidades:

Coma sempre, á entrada da biblioteca temos a mesa de novidades onde imos expoñendo os libros que chegan á nosa biblioteca.

Adquisición de novo material:

Temos unha caixa de suxestións na biblioteca, de xeito que podedes facernos saber os libros, películas ou xogos que sexan do voso interese e na medida das nosas posibilidades irémolos adquirindo.

domingo, 24 de xuño de 2018

Viaxe do Club de lectura ao Dolmen de Dombate e ao Ecomuseo Forno do Forte en Buño.

O xoves 21 de xuño os alumnos e alumnas do Club de lectura do instituto realizamos unha excursión para celebrar o fin de curso ao Dolmen de Dombate e ao museo da olaría de Buño. Aquí deixamos unha mostra do que fixemos.